都市人生活壓力大，每個人都可能有病，除咗生理上嘅病，更容易係忽略心理上嘅病。唔好諗住唔開心不過係自己唔識管理情緒，個人唔夠positive，當你個心病咗，開心唔開心並唔係你可以控制到嘅事，奈何旁人永遠唔明白你︰有咩好愁啫？咪諗咁多啦！因為心病無法用肉眼睇到，所以其他人只當你神經質，但心病嘅痛苦，只有同樣有心病嘅人先明白。

南非攝影師Janelia Mould就係一位憂鬱症患者，佢透過一系列名為《Melancholy》嘅超現實攝影，去表達憂鬱症嘅感覺。因為憂鬱症非常影響Janelia嘅生活，所以佢希望透過攝影，去尋求解脫與慰藉，當係自己嘅一種治療方法。由於《Melancholy》係關於憂慮症情緒嘅相，所以某程度而言，只有有憂鬱症嘅人先明白當中想表達嘅感覺。