Death Collection由Max Duff於創立,創立嘅契機係佢兩位朋友——已過世嘅朋友。卻說2011年尾至2012年頭嘅兩個月間,Max嘅兩位好朋友先後因為意外離世。而喺佢哋彌留之際,以及之後嘅喪禮之中,Max見到好多多年冇見嘅朋友出現。就喺呢個時候佢決定要為大家製造多一個除咗「死亡」以外嘅相聚理由,所以成立「Death Collective」以電單車呢個相同興趣將大家拉埋一齊。佢話揸咩車唔重要,最重要係同咩人一齊揸。
而「Pamela」就係呢個概念下嘅產物。Max本身唔識改裝電單車,只係靠另一個改裝公司British Customs放上Blog嘅片自學,再加上手把、Seat位、尾燈、啡令等改裝件幾乎全部都係以「Plug and Play」形式裝上,簡單啲黎講就即係你同我都做到。所以改裝程度或者未算吸引,但背後嘅精神就值得大家學習。