之前BANDAI NAMCO都有推出過他媽哥池手機版，不過今次就首度開放免費下載。按官方預告，遊戲同《Pokémon Go》類似，利用AR擴增實境，等用戶可以喺畫面度見到他媽哥池喺現實環境中跳跳紮，好似以前咁帶埋佢出街都得，鏡頭對準邊度就會顯示咩背景；仲可以同佢玩小遊戲、影相、換妝、拍打餵食，同埋最重要嘅—執屎。

《My Tamagotchi Forever》嘅他媽哥池一樣識進化，仲可以喺「他媽鎮」度同其他朋友連線，一齊玩小雞雞……Sor，係畀啲小雞雞一齊玩。手機遊戲預計2018年正式上架，依家官網率先開放註冊，抽選玩家製作專屬他媽哥池角色咁話（雖然硬係睇唔慣啲雞變咗立體版），有興趣嘅朋友記得去登記啦。