2017年就快過,網球壇本年度嘅賽事較早前喺倫敦舉行嘅年終賽過後已經完結,睇番呢一年兩大天王費達拿同拿度可以話以驚人嘅姿態再次君臨球壇,佢地各自奪得兩項大滿貫,唯獨年終賽錦標費達拿卻喺4強止步,而冠軍則由迪米特洛夫奪得。其實除左球手奪得嘅錦標數目外,有部份數據相信球迷都相當有興趣,其中包括球手全年嘅Ace球數量。