唔似得某個郁啲就休刊嘅漫畫家，《名偵探柯南》作者青山剛昌都算非常勤力，由1994年連載至今，雖然柯南一直都未有望變返做新一，但都叫住劇情Keep住有進展，又少請假咁話，而且佢仲不停推出漫畫、動畫、電影版，所以就算青山剛昌話要抖抖，大家都唔會詐型，仲覺得好應該要畀佢休息一下。 話說青山剛昌就喺《週刊少年Sunday》嘅「編輯部給讀者的話」入面，公布《名偵探柯南》要長期休刊︰「大家好，我係青山剛昌，由下一期開始，因為要養病、充電嘅關係，柯南將會進入長期休刊嘅狀態，喺《名偵探柯南：唐紅的戀歌》、《魔術快斗》、《柯南》「紅色修學旅行篇」後，愛情喜劇能量火力十足，但係好似有啲努力過頭，即使係喧，努力嘅成果仍然值得，所以我要暫時休息。」 |
|
 |
|
雖然青山剛昌冇特別講起幾時會休刊完畢回歸，但粉絲們不捨還不捨，都毫無怨言，希望青山剛昌可以好好休息，狀態大勇咁返嚟繼續畫更多好漫畫畀大家！ |