| 早於上年六月、美國總統大選之前，「The Rock」Dwayne Johnson喺接受英國GQ雜誌訪問時就講過自己「唔會排除參政嘅可能性」，事後《華盛頓報》仲開宗明義講到如果佢參選，「他真的可以贏(He can actually win)」，成為一時網絡熱話。當時大家都當呢單係花邊新聞，點知The Rock近期宣傳電影《逃出魔幻紀：叢林挑機》時又被問到此事，佢竟然好認真咁答真係考慮緊，仲畀出「時間表」——2024年正式參選！ | |
 |
|
| The Rock接受《Variety》訪問時指，當時話要參選總統只係一句玩笑，佢本人對於從政亦無野心， 但估唔到大家真係非常認真地討論佢參選嘅可能性同勝算，令佢覺得真係要認真考慮係咪真係要回應大家嘅要求。佢甚至講到明，因為目前嘅工作已經排到2021年，所以下一屆(2020年)選舉應該黎唔切，但再下一屆(2024)就好有可能！ | |
 |
|
| 至於參選嘅原因，The Rock就話係出於關心自己嘅國家「我希望我國家的領袖可以在艱難時候團結人民解決問題，而我不覺得現在的領袖可以做到」。更特別提到早前有NFL球員於奏國歌時跪下，以表示反對種族歧視一事，指佢哋不應被拒於白宮門外，反而應該被請入白宮，等總統及官員了解人民真正嘅需要。 | |
 |
|
| 雖然The Rock可謂雄心壯志，但佢亦坦承自己了解管理國家與管理公司唔同，所以佢會慢慢學習，觀察現任總統如何處理每一件事。至於佢2024係咪真係會參選，又係咪真係能夠成為一個更好嘅總統，大家就唯有放長雙眼睇啦。 | |
| Variety |