| OK，DC的粉絲們，我知呢句嘢唔多啱聽，但相信大家都要承認近年多部DC電影中，除咗《Wonder Woman》獨立電影算係成功，其他DC電影不論口碑、票房表現都係差強人意，年尾先上嘅《Justice League》更加於網上多個「最差電影排行」中榜上有名，真係睇到啲Fans心灰意冷。其實心灰意冷嘅唔止Fans們，連原本應該喺整個DC電影宇宙不論幕前幕後都扮演重要角色嘅「蝙蝠俠」Ben Affleck，據報都有意辭演。 | |
 |
|
| 跟據計劃，《Justice League》上映後，Ben Affleck就應該準備投入蝙蝠俠獨立電影《The Batman》嘅製作，而Ben本身更應該係呢套戲嘅導演兼編劇之一。但喺上年一月Ben Affleck就辭去導演職務，搵黎拍過《末世浩劫》、新版《猿人爭霸戰》嘅Matt Reeves執導。自此之後Ben Affleck同DC「完全分手」嘅傳聞就不絕於耳，例如上年11月Ben接受《USA Today》訪問時就指自己唔想做一世「超級英雄」，於是正在「尋求一個好的方法溜走」。更甚嘅係不單止Ben本身唔想做，傳聞中連華納兄弟都唔見得想同佢再合作，只係因為雙方有合約束縛先繼續「同床異夢」。如果傳聞屬實，Ben Affleck同華納基本上就係一段失敗嘅婚姻啦。 | |
 |
|
| 咁Ben Affleck唔做，新蝙蝠俠嘅人選又係邊個呢？據《Revenge of The Fans》嘅「爆料」，Jake Gyllenhaal係目前最有機會嘅接任人，甚至話Jake基本上已經應承可以頂上，但前題係Ben Affleck同華納兄弟拆掂數。大家又點睇Jake Gyllenhall成為新一任蝙蝠俠呢？ | |
| RevengeOTFans on Twitter | |