本網站正使用 Cookie
我們使用 Cookie 改善網站體驗。 繼續使用我們的網站即表示您同意我們的 Cookie 和 隱私政策。
住細屋的正面想法
文：傑克　　圖：互聯網
POSTED ON January 22, 2018 11:58 am
有得揀，邊個唔想住千呎大屋？實情係，大部份人只可以屈膝於百幾呎空間，環境稍好的叫做有自己間房，家境差的甚至要百幾呎住滿一家人！但家陣樓價高企到一個點，有時真係唔到你唔氣餒，接受悲慘現實。唔得，唔打就唔會輸，要打就一定要贏，要改變現狀，必須要保持正面想法！
有助儲蓄
細屋租金一定較便宜，燈油火蠟的使費也較少，即是住細屋可幫助慳錢、儲錢，為儲備第一桶金作好準備。而且，細屋空間少，也容不下購買太多衫褲鞋襪、影音家電、模型限量品等等，無形中可助你培養更好的購物及理財習慣。
培養創意
住細屋空間雖小，但無阻我們發揮創意。記得小時候住公屋時房都沒有，屬於自己的空間僅為碌架床的上格，但在這小小天地，也可以悉心布置，在床的周圍盡量偷取空間貼上海報、掛上飾物，這個創意訓練，可幫助我們突破思維框框，幻想無限大。
維繫感情
一家人屈就在窄小空間，不是會產生更多磨擦，有損感情嗎？這要看你如何對待這段情，在細小空間無得逃避，迫使我們相處，大家如果能夠打開心扉，講出自己的想法，其實是有助磨合，反而住大屋者，每人都有一間房，言語不合就各自返房，問題就永遠解決不到，久而久之關係就會變得疏離，屆時就更難彌補。
推動上進
有時候，人必須要身處逆境，才能迫使我們努力上進。試想想，點解富二代咁多敗家仔？本身家境好，不愁將來的人生，容易令人躲懶，磨蝕鬥志，這對於年輕人來說是很不利的。住細屋者，居住環境惡劣，但亦會燃起我們要突破困境的鬥心，只要肯努力，力求上進，在不久將來必定可以擺脫目前慘況！
樓價仍在飛升，上車無望的你我他，千萬別氣餒，繼續努力上進，終有一天會成功！
COMMENT
01 Aug 2025
POWER & MONEY
【職場】Z世代最討厭的上司類型 「高壓」、「情緒化」最惡頂
隨住年紀、年資增長，相信睇緊呢篇文嘅你有可能已經係公司嘅中層甚至管理層，要帶領班年輕嘅下屬工作。咁做得上司，大概都唔希望自己被下屬討厭，問題係依家班「Z世代」究竟鍾意點樣嘅上司？又討厭點樣上司嘅邊啲行 ...
READ MORE
23 May 2025
POWER & MONEY
【工作】讀理科搵唔到工？ 美研究指文史哲畢業生失業率更低
過去多國大力推行STEM（科學、技術、工程、數學英文首字母縮寫，以下簡稱理工科）教育，加上近年AI技術大爆發，帶動半導體、電腦科學等熱潮，大家或者會以為未來讀理工科一定比文科更吃香，至少唔怕搵唔到工。不過近 ...
READ MORE