好多時大家都認為做愛時黑媽媽，用足心神用身體去感受係會更正，但而家有研究話你知，原來喺光線下做愛，對性愛嘅滿足程度係會高3倍咁多！ |
|
 |
|
意大利錫耶納大學（Università degli Studi di Siena）嘅研究人員曾經搵嚟38位冇咩性慾嘅男士，並將佢哋分成兩組做實驗，一組每日朝早都要喺一間充滿光線嘅房內留半個鐘，而另一組就喺完全黑暗嘅房內留半個鐘。到實驗結束後，研究人員發現，日日曬住光線嘅男性，體內嘅睪固酮分泌量大大提升，而且對於性表現嘅自我評價都提高咗唔少，而另一組就冇呢啲現象。 研究教授Andrea Fagiolini就表示，「照光組」嘅實驗者相對「黑暗組」嘅實驗者，喺性能力表現上，無論心理定生理，都有較大滿足感。如果38位男士喺實驗前平均性滿足感係2分（滿分10分），「照光組」嘅性滿足得分係6.3，滿足程度足足係之前嘅三倍！佢再解釋，「黑暗組」嘅睪固酮含量喺實驗前後，大約都係每公升2.3ng/ml，而「照光組」喺實驗前大約係2.1 ng/ml，但照光後分泌量提升至3.6ng/ml。 下次做愛時，除非對方太怕羞係都要熄燈，如果唔係巴打不妨試試開住燈做愛，根據研究，效果理應更理想！ |