呢度講嘅「3高」當然唔係「高血脂、高血壓、高血糖」啦，而係講緊N年前女女開口埋口嘅「高學歷、高身高、高收入」，雖然今時今日都仲係大把女女追求呢「3高」，但係經過現實嘅洗禮，好多女女都明白，要搵「3高」係何其困難兼且不設實際。加上好多女仔自己都係高學歷、高收入，所以都唔特別追求對方要同自己一樣，反而實際啲，對自己好，有承擔就夠，that's why喺日本網站「news.nicovideo.jp」上一篇文章就講到，根據日本一個調查發現，日本女女最新擇偶條件係追求「3優」，咁咩係「3優」呢？ |
|
 |
|
1位 會幫手分擔家事、育兒嘅人 53.7% 2位 唔會有外遇，只對自己好嘅人 42.1% 3位 努力工作嘅人 32.2% 4位 講話幽默嘅人 27.6% 5位 節儉、識得控制家庭開銷嘅人 24.8% 6位 喺優良企業返工，收入安定嘅人 23.0% 7位 高收入嘅人 16.4% 8位 型男 15.7% 餘下嘅就係「聊得埋嘅人」、「時尚嘅人」、「身心都可靠嘅人、溫柔唔暴力嘅人」、「身高高嘅人」、「好相處嘅人」、「擅長運動嘅人」、「高學歷嘅人」等等。 根據呢個調查，可以睇得出，現今女女要嘅「3優」就係「家族に優しい（對家人溫柔）」、「私だけに優しい（只對我體貼）」、「家計に優しい（幫家庭慳錢）」具備呢3種條件嘅男性。所以你自問自己唔係一個「3高」人士都好，都唔需要太灰心，因為而家愈來愈多人明白到，對自己好、對屋企好嘅男人先係正菜！ |