話就話女人有幾日總係特別大壓力特別燥底，但身喺香港呢個地方，又點會得幾日壓力大丫，日日都壓力爆晒煲啦，但如果識得自己處理壓力都話丫，最離譜係女人紓壓嘅方法九成都搞著男友，一係碌爆你張卡，一係鬧爆你個人，總之女友心情唔好，做男友都唔使旨意有好日子過。呢個時候，有咩方法可以令女友放鬆下呢？聽聞有啲氣味有助人身心鬆弛，不過你又估唔估到，原來你陣男人味，對女友都一樣有幫助。 |
|
 |
|
英國哥倫比亞大學嘅《Journal of Personality and Social Psychology》就有篇文章，講述作者Marlise Hofer做咗一個社會實驗，佢搵咗96對異性情侶，讓女方喺睇唔到嘅情況下，聞三件衫，呢三件衫分別係屬於伴侶、陌生人，同埋一件帶有中性氣味嘅初，跟住要佢哋進行壓力測試。研究發現，聞到自己熟悉伴侶氣味嘅女生，感受到嘅壓力較細，相反，聞到陌生人嘅氣味時，會下意識激起戰鬥本能同埋警戒心。 所以下次女友壓力大、情緒不安時，不妨試下對你件衫畀佢聞下，可能佢會當堂放鬆晒，但大前提係氣味同臭味係有分別，隊還隊，拎件乾淨衫好，如果唔係女友應該會壓力加倍。 |