| 好多人都有鼻敏感，成日鼻塞塞又流鼻水，條氣又透唔順，又會成日打乞嗤，的確係非常辛苦！但估唔到，原來鼻敏感對患者造成嘅壓力，可以嚴重到促使患者自殺！ |
|
 |
|
韓國首爾聖瑪麗醫院耳鼻咽喉科嘅金教授就做咗一項研究，將1500名鼻敏感患者分為輕度、中度，重度跟超重度四種，再根據佢哋心理狀況同日常行為，去觀察佢哋嘅壓力指數，發現超重度鼻敏感患者嘅壓力指數，竟然比其他人多出兩倍以上。研究仲發現鼻敏感愈嚴重嘅人，愈容易有抑鬱同焦慮等等負面情緒，抑鬱程度大約係輕度鼻敏感患者嘅1.8倍，自殺程度係2倍左右！ 所以有鼻敏感嘅巴打千祈唔好輕視鼻敏感，諗住流下鼻水、鼻塞唔會好大件事，鼻敏感所造成嘅壓力可能遠比你想像中更加犀利！ |