| 早前Facebook因為被「劍橋分析(Cambridge Analytica, CA)」竊取及散布用戶個人資料，令大眾再次關注Facebook對用戶資料嘅保護。有報導指呢個係Facebook成立以來最大嘅危機、甚至有人話最終會令Facebook倒閉。另一邊廂，Whatsapp創辦人Brian Acton亦喺Twitter上呼籲大家「Delete Facebook」，仲有唔少人附和，最新而且最注目嘅就係Tesla及SpaceX創辦人Elon Musk——兩間公司嘅Facebook專頁已經刪除！ | |
|
|
| 卻說音響品牌「Sonos」早前宣佈因為支持「Delete Facebook」而停止於Facebook落廣告一個星期，經傳媒報導後引來Elon Musk於Twitter上轉發，諷刺「一個星期咁多呀(Wow, a whole week. Risky...)」，結果有網民留言「咁叻Delete咗SpaceX個Page佢囉(Delete SpaceX page on Facebook if you're the man?)」，點知Elon Musk真係覆佢，仲話自己真係唔知SpaceX有Facebook專頁，結果於數分鐘內將專頁刪除，其後喺網民提醒下連Tesla嘅Facebook都Delete埋，仲話個專頁「本身都好廢(Looks lame Anyway)」。兩個專頁於關閉前總共有近250萬名Followers。 | |
|
|
|
| 據報Elon Musk本人真係冇用Facebook嘅習慣，所以真係有可能唔知自己旗下兩間企業都有Facebook專頁。事後佢亦於Twitter留言指佢哋從來冇喺Facebook落過或者Post過廣告，所以專頁存在與否根本唔重要。至於佢本人經常使用嘅Instagram其實都屬於Facebook所屬，但佢就話覺得IG目前都仲「Probably ok」，只要佢保持的獨立性(so long as it stays fairly independent)。 | |
| CNBC |
