日本漫畫家北条司所畫嘅《城市獵人》絕對係8、90年代嘅經典漫畫之一，故事講述咸濕又身懷絕技嘅孟波，同拍檔阿香一齊開咗間私家偵探事務所，只要想聯絡佢哋，就要喺新宿嘅留言板上寫上暗號「XYZ」，咁樣「城市獵人」就會同事主聯絡，而故事就係關於各式各樣唔同嘅Case。 雖然故事主角本身係孟波，但今次《城市獵人外傳》嘅主角就唔係佢，而係孟波嘅老死，有「海怪」之稱嘅「貓眼咖啡店」店主伊集院隼人！「海怪」係一個實力同孟波不相伯仲嘅同行，因為曾經係傭兵游擊隊，所以善於佈置陷阱同游擊戰術，在戰爭中曾被服用天使塵嘅孟波打傷視覺神經，所以喺漫畫後期失去視覺，轉行成為「貓眼咖啡店」店主，但係身手依舊俐落。雖然被孟波奪走視覺，但對孟波並冇恨意，認為呢個係戰爭畀佢嘅傷痕。雖然「海怪」睇落兇悍，但其實面對女性就會面紅，講唔到嘢，極為怕羞，而且仲好怕貓！而《城市獵人外傳》嘅故事，恰恰就係講「海怪」呢種反差萌！ |
|
 |
|
《城市獵人外傳 伊集院隼人氏不平穩的日常》就係講生得好恐怖但又好溫柔嘅「海怪」，為煩惱嘅客人解憂，感覺非常治癒。其實《城市獵人外傳》經已開始連載，由北条司擔任角色原案，漫畫家「えすとえむ」負責繪製，有興趣嘅巴打不妨上網搵下有得睇未？ |
|
 |