| 大家揀一間餐廳會睇啲咩條件？嘢食好唔好食？地點就唔就腳？價錢合唔合理？甚至可能會有人會睇啲侍應靚唔靚女，但對於知名作曲家坂本龍一黎講，間餐廳播咩歌似乎就好重要，重要到佢決定幫一間位於紐約嘅日本餐廳親自揀個Playlist出黎。 | |
 |
|
| 據《New York Times》報導，位於紐約West Village嘅米芝蓮星級日本餐廳Kajitsu深受坂本龍一喜愛，主廚Odo(現已離職)嘅食物亦贏得坂本龍一嘅尊敬，但入面啲歌就令到坂本龍一非常、極度、超級不滿，據《New York Times》引述坂本龍一所言「他們的BGM實在太差、太差、非常差。混合著難聽的巴西流行樂、老舊的美國民謠和一些爵士樂。或者他們別有用意，但至少那些巴西流行音樂實在太差了！…一個下午，我忍夠了，所以我離開了。」短短幾句已經將其憤怒之情表露無遺。 | |
| Kajitsu內部環境 | |
 |
|
| 但坂本龍一實在又好鍾意間餐廳喎，所以佢就決定修書(Email)一封畀主廚Odo先生，「我愛你的食物、尊敬你、也愛著這間餐廳，但我很討厭這裏的音樂。究竟是誰選的？誰決定把這些東西都混在一起？讓我來吧！因為你的食物就如桂離宮(日本庭院傑作)，但音樂就如特朗普大樓！」結果佢就與另一位音樂人一同選出了以下共有47首歌的歌單——完全冇收錢架。 | |
| 如果你以為佢只係喺自己平時聽開個Playlist抽出黎，咁你就大錯特錯。坂本龍一喺完成呢個Playlist之前，至少整咗五個「草稿」，而且仲特登返去仔細聽下佢哋播緊嘅音樂，發現音樂嘅陰暗氣氛與餐廳內亮麗嘅裝飾、牆身、傢具等完全不搭調，所以因應氣氛而選擇音樂。而且佢亦小心控制音樂嘅音量，因為佢唔鍾意餐廳嘅音樂太大聲，甚至有用電話嘅分貝計量度餐廳聲量嘅習慣。 | |
| Odo主廚 | |
 |
|
| 坂本龍一每季都會為Kajitsu設計新歌單，而隨住Odo主廚將於秋天自立門戶，坂本龍一亦會成為佢嘅「主選曲員」。如果你都想聽住坂本龍一嘅音樂食飯，咁睇黎你就要去美國一行啦。 |