《通靈王》係一部1998年-2004年間於《週刊少年Jump》上連載嘅作品，作者係武井宏之。《通靈王》嘅故事講述徘徊於世間嘅亡魂、喺大地森林中生息嘅精靈，以及崇高嘅神佛，都被人類稱作「靈」。而喺人類世界裏面，有少部分人能夠同佢哋自由交流，並且可以隨意操控某種常人無所可及嘅力量，呢啲人通稱為「通靈人」。而佢哋嘅世界中有個名為「羅侯星」同「計都星」嘅神祕之星，喺秘教中象徵「破滅」，佢哋每500年就會一齊接近地球，相傳會為地球帶來大災難。 每當此時，就會出現一位救世主，將500年一次嘅「破壞」轉為重大嘅「再生」。而「通靈人大賽」就係為此而每500年舉行一次，勝利者可得到代表一切嘅偉大精靈「The Great Spirit」嘅祝福，而成為「通靈王」。

13歲嘅主角通靈人麻倉葉，為咗實現「可以過無憂無慮嘅生活」呢個願望以及同未婚妻恐山安娜嘅約定，決定由老家出雲出發到東京修行。當佢越接近500年舉行一次嘅「通靈人大賽」開始之時，陸續有來自世界各地嘅通靈人，懷抱各自嘅夢想聚集到日本東京參加東京通靈人預賽。葉喺呢段期間內為咗存活並變得更強，於是接受各式各樣嘅考驗。直到正式比賽開始，佢要跟隨帕契族出發到美國時，遇到了一位自稱「未來王」嘅人，名叫葉王，野心係創造一個「只有通靈人嘅世界」，將所有人類毀滅。呢個時候，麻倉家為阻止祖先傳下來的嘅罪孽，將一切實情與秘笈「超．占事略決」交予安娜，要佢前往通靈人大賽，並將呢個使命傳達畀葉，然而樂天嘅葉，就選擇咗另一種做法……

而今年2018年，正正係《通靈王》20周年紀念，早前官方特登開咗Twitter帳戶，Post出同「壽屋」合作嘅《通靈王》模型原型，而呢個模型嘅原型仲係以武井宏之老師特別全新繪製嘅插畫為基礎製作，如果你係《通靈王》Fans，絕對要收藏佢哋！不過早前介紹呢個《通靈王》20周年紀念模型時，仲未有上色版同埋未有透露售價，苦苦等咗幾個月，終於等到「麻倉葉」&「葉王」模型開賣喇！

麻倉葉部分︰

葉王部分︰

目前麻倉葉售價11000日元未連稅，而葉王售價係13000日元未連稅，而家已經可以接受預訂，仲唔快啲入手？！