如果你有睇開NFL，又或者睇過《衝鋒21》呢套漫畫，一定對四分衛有基本嘅認識，佢地主要都係擁有一手精準嘅傳球，偶爾亦都會接球後獨自持球突擊推進。因此，大部份嘅四分衛都係講求敏捷及視野，而力量及速度嘅要求則相對較少。

不過，如果當一名四分衛擁有壓倒性嘅力量，同時保持一手不俗嘅傳球能力，咁會係咩玩法呢？

美國印第安納州一所高中，有一位高中生四分衛近日開始受到關注，佢叫做Joshua Johnson，佢擁有6呎3吋嘅身高，及350磅嘅體重，你無睇錯係真係350磅！

當255磅嘅Jerome Bettis被稱為NFL嘅「巴士」，咁樣350磅嘅Johnson絕對可以被稱為「坦克」，佢嘅表現實在令人震驚，甚至可以用恐佈黎形容。

基本上，防守一方面對Johnson恐佈嘅力量必需多人進行協防，否則根本無可能阻止到佢硬生生嘅推進，而更令人對手沮喪嘅係，佢仲有一手精準嘅長傳能力，究竟未來佢能唔能夠進入NFL，為NFL帶黎驚喜呢？