| 一年咁多戲上，總有啲係你睇預告好期待，但最後因為各種原因而冇入場睇到。而上年呢堆「各種原因」就多咗一個：套戲根本就冇上！話說上年係荷里活著名製作人Harvey Weinstein捲入「#Metoo」性侵指控，由佢旗下公司製作或發行嘅電影亦因而受牽連，本來預計上映嘅電影亦紛紛回收，其中就保括我好期待、由Benedict Cumberbatch(BC)主演嘅《電流戰爭(The Current War)》！好在近排佢就有望過繼還魂啦！ | |
 |
|
| 話說Harvey Weinstein出事後整個荷里活紛紛與其割蓆或將其封殺，最終導致佢嘅The Weinstein Co. (TWC)破產，最後由Lantern Company於今年7月中以2.89億美元接手TWC剩下嘅13部電影嘅國際發行權，當中就包括《電流戰爭》以及以即影即有相機為主題嘅驚慄片《Polaroid》，呢13套電影換公司後就應該能擺脫Harvey Weinstein嘅陰影重新排期。 | |
| 《電流戰爭》係講述一代發明家愛迪生與西屋電氣創辦人George Westinghouse於19世紀80年代對供電系統嘅競爭，極度簡化黎講就係愛迪生發明直流電，George Westinghouse同「人氣發明家」特前拉(Tesla)則力推交流電，雙方都希望成為美國主要供電系統(以獲得專利金)。歷史上愛迪生曾經請過特斯拉做助手，而且欺騙後者為其完成直流發電機；後來為咗抹黑交流電，使用交流電公開電死狗，又推動美國使用電椅作為處置死囚嘅方法，所以現代網上觀點大多話佢係卑鄙商人，由個樣本身就非常陰暗嘅BC黎做都真係幾有睇頭！希望《電流戰爭》可以儘快上畫。 | |
| Hollywood Reporter | |