| 《Guardian of the Galaxy》系列可以話係Marvel 咁多套電影中最有特色嘅作品，而導演兼編劇James Gunn絕對係功不可沒。但James早前就因為被挖出多年前曾於Twitter發表「關於戀童癖和強姦的不當言論」，而被非常著重政治正確嘅迪士尼(Marvel母公司)瞬間除去《GotG 3》嘅導演職務，就算成班演員公開表態支持James亦無力回天。事件對Fans同演員黎講係壞消息，但對Marvel「對家」DC黎講就係好消息，近日《THR》報導James已經轉會DC，將會為《自殺特攻隊 2》撰寫劇本，仲可能會做埋導演添！ | |
| James Gunn | |
 |
|
| 據《THR》報導，James Gunn已經同Warner Bros.達成協議，將會開始為《自 2》撰寫劇本，而視乎劇本最後成品，或者仲有可能兼任導演一職。對此唔少人都持相當樂觀嘅態度——唔係有幾睇好DC，只係因為James咁做完全係大巴大巴車落迪士尼塊面到，對於支持佢嘅人黎講實在係大快人心。而你知道呢個世界上最公開支持James Gunn嘅人係邊個嘛？就係於《GotG》系列出演「Drax the Destroyer」嘅Dave Bautista！早於James傳閒會被迪士尼炒魷嘅時候，Bautista就已經係佢最公開、最大聲嘅擁護者，及後甚至完全唔介意得罪迪士尼，直指「你要換掉我就隨便」。好啦，到依家James Gunn轉會啦喎，Bautista即時於Twitter轉載咗有關新聞，仲問「可以去邊報名」，相信只要James Gunn邀請，Bautista加入DC絕對不是夢！ | |
| James Gunn與Dave Bautista | |
 |
|
| 有好編劇，好導演，仲(可能)有忠心耿耿嘅演員，係咪令你對《自 2》信心大增呢？但DC就不愧係DC，總係有辦法令到件事亂到九彩。卻說大家以為James Gunn能夠活用Margot Robbie、Jared Leto、Will Smith等演員之時，消息就透露呢部《自2》，其實唔係《自》嘅續集，雖然仍然係關於Harley Quin、Joker、Deadshot等人物嘅故事，但劇情同上一部可能完全冇關，甚至連演員亦或者會有所不同，咁係咪即係變相「Reboot」呢？咁Jared Leto究竟仲係唔係Joker啫？究竟個宇宙觀係點架？好亂呀！ |
|
| Hollywood Reporter | |