好朋友當然係身邊最親嘅人之一，但係正所請唔熟唔食，做得好朋友又點會唔玩下你，特別係機會突如期來的出現～哈哈！

日前，黎自英格蘭低組別球隊蘭卡斯特城嘅一名球員Tom Preston不幸腳踝受傷，而佢第一時間就用Whatsapp去詢問球隊嘅治療師，以舒緩自己受傷嘅情況。點知好死唔死，Preston竟然Send錯訊息比自己嘅隊友Rob Wilson，呢位好隊友見機不可失，就起左一個壞念頭向Preston進行惡作劇。

Preston首先同「治療師」Wilson說出自己受傷嘅情況，而Wilson亦做戲做全套，先好好心咁慰問一下Preston，其後就開始佢嘅惡作劇，佢叫Preston放一塊牛扒到自己腳踝受傷的位置，因為咁樣做可以大大減輕疼痛及腫脹。

不過，Preston家中並無牛扒，所以佢就用左一包冰左嘅青豆進行冰敷，然後影相比「治療師」Wilson睇。

可惜Wilson並唔肯放過Preston，佢強熱建議Preston一定要用牛扒敷傷處，並且要係最級的牛扒，因為咁樣將有效提升康復功效，佢更揚言球隊會為佢呢塊牛扒「埋單」。對此Preston不虞有詐，真係叫左爸爸去為自己買一塊牛扒，並放喺自己嘅腳踝上。

其後Preston將牛扒放在腳踝上嘅相片Send去自己球隊嘅Whatsapp Group，表示自己已經盡力去康復。眼見呢位傻隊友真係中招，一班隊友喺Whatsapp Group入面真係繼續做戲，表示敷牛扒係最好嘅方法。

大佬，呢單野都真係笑死我阿媽個仔。