曼聯啱啱喺歐聯險勝年青人，成功提前一輪晉身16強！而講到呢場波嘅功臣，除左入波嘅費蘭尼之外，相信就必定係屢救險球嘅門神迪基亞。今季曼聯整體表現仍然未能令人滿意，但係「聖基亞」卻場場交足功課，絕對係曼聯目前表現最佳嘅球員。不過，明年呢位紅魔門神明年夏天就會約滿，而曼聯則非常希望可以留住呢位頂級門將。

雖然迪基亞與曼聯嘅合約明年夏天就會到期，但係曼聯擁有選擇權去自動同佢續約多1年，即係2020年夏天先會完約。而為免人財兩失，曼聯都係想盡快同迪基亞續約，不過又係咪咁易呢？

最新消息指，迪基亞仍然會考慮同曼聯續約，不過就梗係有條件啦！其中第一個主要條件就係，佢嘅人工要同目前球隊最高人工嘅射手山齊士持平，亦即係35萬鎊嘅週薪！現時迪基亞嘅週薪為20萬鎊，而山齊士則為35萬鎊，再加埋其他肖像權費及獎金等則可以達到50萬鎊。

要知道曼聯目前嘅整體人工已經冠絕英超，亦即係連曼城都唔夠佢地高，所以如果再為迪基亞大幅加薪，咁將嚴重影響佢地嘅支出。

不過，事實上迪基亞絕對配得上曼聯最高薪球員嘅地位，反而係山齊士與曼聯格格不入，拎住35萬鎊嘅週薪完全係高薪低能，所以迪基亞嘅要求其實都非常合理。

另外，迪基亞亦需要曼聯展示誠意，就係佢希望睇到曼聯對爭勝嘅決心及對未來嘅計劃，亦即係話好似好今曼聯嘅清況則絕對唔係佢想見到的。如果曼聯唔能夠改善戰績及表現，相信亦會大大阻礙迪基亞是否選擇同曼聯續約。