《sin 七大罪》（sin 七つの大罪）係模型雜誌出版商Hobby Japan於2012年推出嘅「魔王崇拜型計劃」嘅跨媒體製作，內容包括手辦、漫畫以及電視動畫。故事內容講述由於大天使路西法違逆神嘅「傲慢」之罪，所以被打入地獄，成為「墮天使」。同時喺地獄最下層「萬魔殿」嘅魔王們仲封印咗路西法嘅力量，路西法雖然失去一切，但佢帶領着仰慕佢嘅嫉妒魔王利維坦，以及喺地面上遇到嘅女高中生十束真莉亞，化作「傲慢之魔王路西法」展開向七魔王發起反擊嘅旅程。

而最近日本玩具公司FREEing就繼傲慢魔王「路西法-兔女郎Ver.」之後，再度推出《sin 七大罪》系列模型，呢次係色慾魔王「阿斯莫德-兔女郎Ver.」！

第七大罪「色慾」魔王阿斯莫德有着非常美艷嘅肢體，以及不論男女都為之着迷嘅美貌。佢最喜歡挑逗及刺激他人情慾，特別喜歡冇咩經驗嘅人，總之就係非常色情嘅大姐姐。

而呢次嘅「阿斯莫德-兔女郎Ver.」模型，可以見到阿斯莫德著上超誘惑嘅兔女郎裝束，美腿喺下網絲襪下顯得相當性感，而胸部上嘅胸墊仲係「可拆式設計」，大家可以換上露出度更高嘅零件，令阿斯莫德更加養眼。

「阿斯莫德-兔女郎Ver.」模型全長約300mm，售價為24,800円（含稅），預計2019年8月發售，喜歡嘅朋友就唔好錯過喇！