唔少動漫都話神其實係外星人，或者好多動漫迷真係信呢套，所以喺現實生活中都好鍾意將兩樣嘢「溝埋一齊做瀨尿牛丸」，鹹蛋超人就係其中一個熱門惡搞對象。 上年，連日本玩具廠Meister Japan都開始將成班鹹蛋超人改頭換面，變身成印度神話嘅十二神將推出盒蛋，民間嘅二次創作自然更加多。 喺泰國，就有人將超人吉田改成佛祖、臥佛同四手觀音像，仲整埋金身，唔知啲人會唔會拜佢哋，或者擺佢哋喺神枱供奉呢？不如再玩盡啲，搵人拍套佛祖大戰外星人啦！不過相信係得和平嘅佛教先有人夠膽咁玩，阿彌陀佛...... | |
| |
重溫番Meister Japan嘅鹹蛋超人十二神將盒蛋。
| |
