外國作家DougDeMuro就為自己擁有法拉利360 Modena的一年寫上一篇感想。第一件提到嘅事就係揸架法拉利出街會吸引到嘅注意。你可能會話：「X你揸法拉利都係想吸引人注意啫，到依家吸引到啦你又嘈！」冇錯，但問題係佢究竟想吸引啲咩人嘅注意。會買法拉利呢類超跑嘅人有兩種：一種係買黎哂命，另一種係買黎享受個駕駛樂趣。前者想吸引嘅，講到尾就係女；後者想吸引嘅，就係一眾識車之人。揸法拉利唔係話吸引唔到呢兩類人，而係同時吸引咗好多你其實唔想吸引嘅人。

「每個紅綠燈前，隔離線條友總會問你『架車幾錢？』；每個油站又總會有個揸住雪佛蘭卡車嘅問你想唔想Trade車。每個人都會要求喺架車側面、前面、入面甚至上面影相；小朋友會希望你跺兩下油比佢聽；甚至整條馬路的所有車都會因為你嘅出現而加速－只為了證明他們也跟得上一架法拉利。」

久而久之你每一次想揸架法拉利出街嘅時候，你就會諗起呢啲你吸引過嘅人，然後你就會情願返屋企開部Xbox打Forza。」

即使你帶到架法拉利出街，你又會遇上另一個問題。「我嘅一個朋友非常完美地形容了呢一類車：『呢架係比你由A點，去返A點嘅車。即係你由A點出發，揸住架車四圍飛一輪之後又返返A點。你唔會用佢去Shopping、去食飯；佢放唔落任何大件嘢、載唔到多過兩個人，嚴格上呢架唔係車，呢架只係一件玩具！』」

「但呢個唔係問題，真正的問題係通常擁有一架法拉利的人都冇呢個時間去玩呢件玩具。你要等到一個唔使出差、天氣又好、老婆仔女去哂第二度、屋企又冇嘢要你做同時架車又冇事嘅時候先可以揸佢出去玩。一年有幾多次咁嘅機會？兩、三次？」

「即使你揸到出街，都唔代表你會玩得開心，除非你身處一條空無一人的高速公路。但在城市之中，爛地、碎石、路肩、以及其他本來就唔係好有望鏡，更加遑論會睇到呢架貼地跑車的司機會完全摧毀你嘅樂趣。然後太側嘅路入唔到、太斜嘅路上唔到、唔可以周街泊、甚至唔放心泊喺公家停車場；視角盲點超大、避震超硬，揸住佢就好似發現新大陸一樣：『呀原來呢到有個窿架喎！』

然後就是維修費。「每次定期為修，廠方會收你USD$150/小時的人工，加上零件的話，每次落樓起碼都要USD$1,000。而萬一你有任何揩花刮損，即使整返好，車價都會即時就跌USD$10,000-$15,000。」

講到避免以上問題，DougDeMuro提出三個方法。「第一，買架新啲法拉利；第二，搬屋。新法拉利跟車會有保養，咁起碼可以省回一筆維修費；而如果我能夠搬去一個低密度高尚住宅區，我就唔需要再面對市中心的爛馬路，嗰到嘅居民亦唔會因為見到一架法拉利而感到驚訝！」

如果以上兩個方法都唔Work，但你仍然想搵一架高級、有趣、享受、唔會引人注意、維修費又相宜、唔怕上路膊會刮花車底、可以真正揸出街用而唔係當玩具的跑車，DougDeMuro建議你：「買架保時捷啦。」