如果並非天生鬈髮，好少男士會擁有一頭鬈髮，因為十個九個唔會主動去電鬈把頭髮，一來唔會留到把頭髮咁長扮長毛，二來怕傷到啲頭髮（你知男人最驟忌就係甩頭髮），貪靚嘅，頂多肯日日一大早起身就落足心機gel好把頭髮，再貪靚啲嘢，就會走去漂或染咗把頭髮，總之，少數男生係會專程走去電番個靚髮。

之但係人生流流長，無理由唔俾機會自己有新嘗試，點都過吓鬈髮癮，所以，最折衷嘅方法，就係用鬈髮器及其他頭髮造型產品，可以隨心轉造型，直髮、鬈髮交替出場，怕傷頭髮？唔怕，Calvin順手教埋你護髮技巧。

林偉豪Calvin個人簡介︰
跨媒體藝人，沒有完美皮膚與身材，入行以來每日鑽研男妝保養，深造男裝穿搭，從不偷懶。擁有超過十年司儀經驗，經常向各大品牌偷師；現為商業電台DJ及節目主持，曾為Roadshow、亞洲電視及香港寬頻電視主持音樂、旅遊及資訊節目；又創辦本地文化創意平台「木木文創」，主理創意及時裝業務，名副其實事業型男。

優雅鬈髮術示範︰

步驟一︰

"頭髮如果受損同太乾都好難造型，最近我試用aussie呢個miracle moist系列，裡面嘅澳洲堅果籽油、香蜂花葉同蘆薈成份可以為頭髮補水"

步驟二︰

"除左洗頭水同護髮素，仲有呢支reconstructor，係深層護髮素，搽左之後放1至3分鐘，可以加強保濕同保養效果"

步驟三︰

"洗完頭，用風筒輕輕揚乾頭髮，不妨捽散髮根，令之後造型時有更厚的效果"

步驟四︰

"之前我喺韓國買左呢支迷你捲髮器好好用，細細支易控制，啱哂各位耐唔中先捲一次嘅男士。從分界位兩邊一撮一撮向內捲，界位唔駛分得太死，瀏海就向後捲，全部頭髮都捲過下就得"

步驟五︰

"Matt look嘅clay已經用左好多年啦，不妨用下hair wax，濕濕地令髮型有光澤。拎少少搽在手板同手指，然後揸上頭髮，捲曲效果即刻出哂嚟。呢個時候，亦都要好好造型，整體效果要到9成"

步驟六︰

"最後，我用loreal paris呢支elnett satin hairspray，距離15至20厘米噴少少。噴果陣要用手指插入頭髮中間，否則會扁，之後等佢乾就得啦"

步驟七︰

"今次呢個效果出嚟比較gentlement配埋支Tomford嘅香水就啱哂"

片中所用產品（左至右）︰
Aussie
Miracle Moist Shampoo $79/300ml
優點：濕髮後，取適量，雙手輕按摩頭皮即可，再以清水洗淨，適合天天使用。
Aussie Miracle Moist Conditioner $79/250ml
優點：潤髮後，取適量，再塗滿頭髮，並將頭髮集中在頭頂保持1-3分鐘，然後用清水徹底沖洗乾淨。
Aussie 3 Minute Miracle Reconstructor 3 $99/250ml
優點：洗髮後，將潤髮乳倒在掌心，再塗上頭髮，加以按摩，順道享受一下它來自大自然的香味，約1-3分鐘後 (視乎頭髮受損程度而稍為延遲)，最後用溫水沖洗。
Unix mini multi styling hair iron $160
優點︰體積輕巧，可直髮鬈髮兩用，及預熱時間快。
innisfree Style Garden wave wax 02 價格待定
優點︰質地易於控制，少許份量已足夠維持一天造型。
L'Oreal Elnett Satin Hairspray 價格待定
優點︰配搭微細噴嘴，噴霧柔滑亮麗，綻放絲緞光芒，噴霧細膩，效果特強，造型持續一天。