早前MenClub同大家講過，嚟緊5月「貞子」將會回歸大銀幕，家下都已經4月，距離貞子返嚟同大家見面嘅日子經已不遠矣，早前為咗加強電影宣傳效果，最可怕（？）嘅日本女鬼「貞子」竟然同日本知名扭蛋品牌「熊貓之穴(パンダの穴)」所推出嘅「戽斗星球」系列合作，推出估你唔到嘅「戽斗貞子」聯名扭蛋，教大家仲點面對「貞子」呀大佬！！！

「戽斗貞子」聯名扭蛋一共有5款，據聞5月上旬就會正式開賣，300日圓一個，雖然主角係女鬼貞子，但加埋個巨型下巴之後，真係每款睇見都想笑出嚟！一齊睇過呢5款「戽斗貞子」聯名扭蛋啦！