Menclub

Gadgets for Christmas IV — Lomo'Instant

文：MenClub Patrick　　圖：MenClub
POSTED ON December 22, 2014 9:12 pm

今時今日影即影即有相，好可能只係為求一種歡樂氣氛。的確，一班人拿着實體相片傳閱細看，總比拿着手機看數碼相有趣得多，尤其在參與party之時，所以聖誕節又係即影即有相機出動的時候！不過，即影即有其實並非Polaroid或Fujifilm的專利，近期Lomography也推出了旗下首部即影即有相機Lomo'Instant。趁着聖誕節，送給別人又好，送給自己又好，總之一部Lomo'Instant在手，定能在派對上為大家增添歡樂氣氛。
啡色的Lomo'Instant Sanremo Edition，售價為$1,090。除了啡色版，還有黑色版及白色版可以選擇，售價更平，各賣$890。一套三支的外置鏡頭套裝，售價為$498。鏡頭可以直接套在原有的鏡頭上。
輕鬆加裝外置鏡既然有Polaroid及Fujifilm的相機，為何還要選這部Lomo'Instant？我可以答你，因為它夠多功能玩，其中最正的是它可以加裝特別鏡頭。Lomo'Instant本身配備的是一支27mm廣角鏡頭，風景相或一般合照等大路影法都啱用，但只要另購一套三支的外置鏡頭套裝，便能夠玩埋170度魚眼、10-15cm近攝兩種較特別的影法；另外還有一支是焦距最適合拍攝人像的鏡頭，加裝之後，想為女神或男神拍個人照也無難度。而且三支鏡頭都易裝易拆，不會令大家怕麻煩而失去加裝的意欲。
閃光燈上能加入顏色濾片；左方的是曝光補償推桿。鏡頭上方右邊的黑色推桿，其實就是快門掣，有別於一般相機。機底設有兩個模式掣，就是靠它們來選擇啟動或關閉閃光燈，以及設定快門等，以拍出不同效果。鏡頭的左方則設有多重曝光掣及對焦模式掣（遠攝或近攝）。機背就只有菲林匣與觀景窗。
曝光玩色多功能不止換鏡，Lomo相機始終是用開正規135菲林的相機，本身的功能向來也比其他即影即有相機多，Lomo'Instant也不例外。例如它的內置閃光燈能夠自選啟動與否，再配合曝光時間全由自己話事的B快門或正負兩級的曝光補償功能，便能拍出不同曝光效果的相片，除了可以捕捉聖誕夜或party的氣氛外，連最高境界的light painting也拍得到，夠晒多嘢玩。擔心手震？唔怕，它也能夠加裝腳架嘛，影燈飾都能勝任。另外，好多即影即有相機都提供的多重曝光功能，Lomo'Instant一樣有得玩，而且係無限曝光次數，只要你諗到點影，它就可以點影。還有，相機更附送四種顏色的濾片，加裝在閃光燈上面，即能拍出不同色調的相片，想張相帶點黃黃綠綠的聖誕氣氛，冇問題！
記住係用細尺寸的Fujifilm Instax Mini菲林，別買錯！打開菲林匣放入整盒菲林即可，跟FujiFilm的即影即有相機一樣。出片後，等數分鐘，有相睇！
用Fujifilm菲林雖然Lomography出了即影即有相機，但她沒有出即影即有菲林，所以Lomo'Instant採用富士細即影即有機用的Fujifilm Instax Mini菲林。好貴？街舖最平賣$50左右一盒，一盒10張，其實貴過影普通135菲林連沖晒費少少啫，但係即時有相睇、有得笑喎，大節流流，咪計住計住啦！
因菲林關係，相片效果不像普通Lomo相機般有偏色或暗角效果，但有即影即有的趣味搭夠。
Lomo'Instant Sanremo Edition規格售價：$1,090 菲林：Fujifilm Instax Mini 畫面尺寸：42x64mm 快門：1/125s、B 光圈：f8/f11/f16/f22/f32 曝光補償：+2/-2EV 查詢：Lomography　shop.lomography.com/hk

COMMENT

< PREVIOUS

聖誕Dress Up Do & Don't

2014-12-22

NEXT >

「銀他媽」返黎啦!! 四月動畫連載再開！

2014-12-23

SOMETHING NEW

31 Oct 2024

TECH & GADGETS

【科技】Boston Dynamics機械人大突破無需編程自主行動

如果大家對於現實中嘅機械人發展有啲研究，相信都會聽過Boston Dynamics呢間公司。Boston Dynamics過去曾發佈旗下兩足機械人「Atlas」完成跳舞、打空翻等高難度動作嘅影片，展示出Atlas嘅超強活動能力。但其實Atlas ...

31 Oct 2024

TECH & GADGETS

【電玩】手機享受開卡樂趣《Pokémon Trading Card Game Pocket》已經推出

俗稱「Pockemon卡」嘅「Pokmon Trading Card Game（TCG）」瘋魔全球，如果你都想加入呢個大家庭嘅話，依家用手機就可以做到啦。因為Pokemon官方日前推出 Pokemon TCG嘅官方手機App「Pokmon Trading Card Game Pocket ...

今時今日影即影即有相，好可能只係為求一種歡樂氣氛。的確，一班人拿着實體相片傳閱細看，總比拿着手機看數碼相有趣得多，尤其在參與party之時，所以聖誕節又係即影即有相機出動的時候！不過，即影即有其實並非Polaroid或Fujifilm的專利，近期Lomography也推出了旗下首部即影即有相機Lomo'Instant。趁着聖誕節，送給別人又好，送給自己又好，總之一部Lomo'Instant在手，定能在派對上為大家增添歡樂氣氛。
啡色的Lomo'Instant Sanremo Edition，售價為$1,090。除了啡色版，還有黑色版及白色版可以選擇，售價更平，各賣$890。一套三支的外置鏡頭套裝，售價為$498。鏡頭可以直接套在原有的鏡頭上。
輕鬆加裝外置鏡既然有Polaroid及Fujifilm的相機，為何還要選這部Lomo'Instant？我可以答你，因為它夠多功能玩，其中最正的是它可以加裝特別鏡頭。Lomo'Instant本身配備的是一支27mm廣角鏡頭，風景相或一般合照等大路影法都啱用，但只要另購一套三支的外置鏡頭套裝，便能夠玩埋170度魚眼、10-15cm近攝兩種較特別的影法；另外還有一支是焦距最適合拍攝人像的鏡頭，加裝之後，想為女神或男神拍個人照也無難度。而且三支鏡頭都易裝易拆，不會令大家怕麻煩而失去加裝的意欲。
閃光燈上能加入顏色濾片；左方的是曝光補償推桿。鏡頭上方右邊的黑色推桿，其實就是快門掣，有別於一般相機。機底設有兩個模式掣，就是靠它們來選擇啟動或關閉閃光燈，以及設定快門等，以拍出不同效果。鏡頭的左方則設有多重曝光掣及對焦模式掣（遠攝或近攝）。機背就只有菲林匣與觀景窗。
曝光玩色多功能不止換鏡，Lomo相機始終是用開正規135菲林的相機，本身的功能向來也比其他即影即有相機多，Lomo'Instant也不例外。例如它的內置閃光燈能夠自選啟動與否，再配合曝光時間全由自己話事的B快門或正負兩級的曝光補償功能，便能拍出不同曝光效果的相片，除了可以捕捉聖誕夜或party的氣氛外，連最高境界的light painting也拍得到，夠晒多嘢玩。擔心手震？唔怕，它也能夠加裝腳架嘛，影燈飾都能勝任。另外，好多即影即有相機都提供的多重曝光功能，Lomo'Instant一樣有得玩，而且係無限曝光次數，只要你諗到點影，它就可以點影。還有，相機更附送四種顏色的濾片，加裝在閃光燈上面，即能拍出不同色調的相片，想張相帶點黃黃綠綠的聖誕氣氛，冇問題！
記住係用細尺寸的Fujifilm Instax Mini菲林，別買錯！打開菲林匣放入整盒菲林即可，跟FujiFilm的即影即有相機一樣。出片後，等數分鐘，有相睇！
用Fujifilm菲林雖然Lomography出了即影即有相機，但她沒有出即影即有菲林，所以Lomo'Instant採用富士細即影即有機用的Fujifilm Instax Mini菲林。好貴？街舖最平賣$50左右一盒，一盒10張，其實貴過影普通135菲林連沖晒費少少啫，但係即時有相睇、有得笑喎，大節流流，咪計住計住啦！
因菲林關係，相片效果不像普通Lomo相機般有偏色或暗角效果，但有即影即有的趣味搭夠。
Lomo'Instant Sanremo Edition規格售價：$1,090 菲林：Fujifilm Instax Mini 畫面尺寸：42x64mm 快門：1/125s、B 光圈：f8/f11/f16/f22/f32 曝光補償：+2/-2EV 查詢：Lomography　shop.lomography.com/hk