| 有人話養狗嘅都係控制狂，因為你要佢Sit就Sit，hand就Hand；又有人話養貓都係被虐狂，因為佢叫你Sit就Sit，hand就hand。前面半句我唔知係咪真，但後半句原來又有啲道理。根據一個於2016年喺斯洛伐克同捷克做嘅大型調查，原來養貓嘅人又真係會比較鍾意BDSM！ | |
 |
|
| 首先你要睇清楚呢句：係養貓令你更大機會鍾意BDSM，而唔係因為你本身就已經鍾意所以更傾向養貓。實際原因係咩呢？根據呢個發表於「Journal of Evolutionary Psychology」，針對36500人做嘅研究，貓體內有種叫做「弓漿蟲」嘅寄生蟲，能夠透過貓便便傳播，假若被弓漿蟲感染腦部，就會造出與本能相反嘅行為，被恐懼、色險等意識吸引，所以被感染嘅老鼠會主動接近貓，而假若人被感染則可能更容易享受BDSM。2018年亦有一個研究指出被弓漿蟲會更有創業家精神，更傾向高風險嘅投資。 | |
 |
|
| 「養貓會感染弓漿蟲」一事其實都唔係咩新聞，以往就曾經有人稱弓漿蟲對孕婦會有危險而棄貓，但其實貓本身主要係透過食生肉及接觸泥土而感染，再傳播開去就靠貓便便，所以大部份食貓糧嘅家貓都唔會感染到弓漿蟲，就算感染，只要處理貓便便時小心就唔會感染到人體。所以結論係呢，假如你養貓又真係鍾意BDSM，咁有可能關你隻貓事，但更有可能係你本身就係M！ | |
| indy100 |