較早前有報導指，國米有意租借簽入曼聯智利射手山齊士，並願意支付其全數薪金，來季則擁有1000多萬鎊嘅優先購買權。不過，最新嘅消息指，國米唔願意做水魚，目前正就山齊士嘅薪金進行談判中。

消息指，國米向曼聯租借山齊士只係願意為其支付15萬鎊週薪，因為佢地覺得呢位射手即將步入31歲，所以唔想在其身上花費過多。

要知道山齊士目前嘅週薪高達50萬鎊，所以即係過如果將佢借到國米，球隊仍然要為佢支付35萬鎊嘅巨額週薪，全年黎講就係1800萬鎊。

對此曼聯正全力向山齊士勸說，希望對方能夠接受減薪，但消息指山齊士斷言拒絕，所以預計曼聯將會繼續同國米談判，較好嘅結果可能係雙方一人支付一半，亦即係每邊大慨25萬鎊週薪，而其後曼聯當然希望國米可以於來年將山齊士買斷，但相信前提係山齊士能夠喺意甲踢出好表現。