| 就睇每次電競賽事越搞越大型，你就知電競已經唔再係一班毒L自己圍威喂嘅活動，而係一項全球性嘅盛事。近年亦有唔少品牌睇到當中嘅商業潛力而加入電競行列，以投資、贊助型式支持戰隊，為品牌於電競場內爭取曝光。最新加入嘅就有唔需要多作介紹嘅LV，但佢又唔係組隊喎，而係為黎緊嘅LOL世界大賽個冠軍獎杯設計咗個獎盃旅行箱！ | |
|
|
|
| 法國名牌LV近年積極為品牌注入年輕活力，加咗個旅行箱嘅LOL世界賽獎杯感覺亦更加高級，就品牌形象黎講，今次合作對LV同LOL開發商Riot Games黎講都係雙贏嘅局面。但咁難得兩大品牌合作，又點會淨係做啲PR嘢？個冠軍獎杯旅行箱只係其中一件聯乘產品，之後遊戲內更會有聯乘「造型」(唔識嘅話就當係角色嘅衫啦，要用真錢買嘅)及由LV女裝藝術總監 Nicolas Ghesquière 親自設計的其他虛擬產品，即係遊戲之中你都可以用名牌、或者羨慕有錢人可以用名牌啦！係咪好真實呢？ | |
