去年「詠春大師」丁浩與「格鬥狂人」徐曉冬於擂台上嘅對決，成為功夫搏擊界嘅熱話，當大家睇《葉問》睇得多，都以為詠春好強之際，徐曉冬以現代格鬥技KO詠春大師。估唔到呢位詠春大師見過鬼仲唔怕黑，近日與另一位搏擊選手阿虎對打，結果係點？大家應該都唔使估啦。

丁浩與阿虎嘅對決，係一場叫做崇武英雄世界自由搏擊對抗賽，比賽於江門舉行。

雖然丁浩嚴陣以待，但比賽一黎阿虎就全面搶攻，多次出拳擊中丁浩頭部，雖然丁浩仍然看似輕鬆，但詠春始終係以反擊為主嘅武術，所以如果未能防守的話，將會全面落入下風。而當埋身肉搏嘅時候，丁浩就更加顯出無能為力嘅境況，多次被阿虎抱頭膝撞，最終阿虎施展連環踢腿，最後以一記右踢踢中丁浩頭部，後者隨即暈倒在地，需要現場醫護人員協助。

今次丁浩被阿虎完全KO下，裁判唔能夠再判以打和，阿虎成功贏得今次賽事。值得一提嘅係，阿虎出戰丁浩前，曾與另一名太極選手作賽，而呢場比賽阿虎只花了50秒就KO對手。

所以話「我要打10個」真係戲入面先有啦。