Menclub

玄火 - 嘩！英超粉絲年花136億

文：MenClub 玄火　　
POSTED ON December 17, 2019 3:30 pm

在英國，做阿仙奴粉絲就最慘情，皆因支出比人多，收穫卻比人差。今季英超球迷數據出爐，平均一個人每季會花1888鎊(近2萬港元)，約為年收入的8%。在香港，除非你每季飛一轉英國，不然幾多都不知用不用到1萬，但如果你是英國人，又捨不捨得這樣使錢呢？

畢馬威的報告顯示，計算每季主、客場睇波開支、購買波衫和產品等，每名英超死忠球迷(定義是主場一定捧場，作客至少隨隊5場)約花2萬港元，合計是135億元，比上季增加6.5%，較2014/15球季上升逾3成。支出上升主因之一當然是門票價格上升，但門票開支的升幅原來已低於收費電視開支，後者5年上升40%，主場波飛同期只升14%，作客甚至調頭向下。以球隊計，出血最多的粉絲又是兵迷衛冕，以2238鎊居首，包尾的是阿士東維拉，相差超過630鎊。意外的是，排名第2位的不是巨型班，而是東北部的紐卡素，原因是他們的交通費支出獨佔鰲頭。第3位是搬入新主場的熱刺，第4位是車路士，兩隊同位於倫敦。順帶一提，目前以十分優勢排榜首的利迷年開支是2055鎊，上季冠軍曼城的粉絲則為1655鎊，性價比相當不錯。

英超全球化牽引一大籮問題，近幾年各隊都尋求方法壓抑門票上升，以「拖肥」愛華頓為例，2016/17球季為11至17歲未成年人設定的季票價位，平均低至8鎊一場，未算forever cheap都已經非常cheap。但更值得一提的是支持上升對入座率毫無影響，上季19隊都超過9成，其中7隊達到99%，包括曼聯、利物浦、車路士、阿仙奴、愛華頓、李斯特城和白禮頓。宏觀整個英超，最抵睇的球隊是諾域治，所以如果你不想睇貴波，不妨考慮到金絲雀主場，欣賞豪門的作客演出。最後，球隊產品方面，頸巾價格的升幅最顯著，5年來加價2鎊，達到19%，遜於整體球衣升幅。