阿仙奴的德國藉球星奧斯爾(Mesut Özil)係Twitter發表批評中國政府對維吾爾族人政策引來全中國的以致全球的巨浪，係中國下至民間上至中國外交部發言人耿爽都非常不爽， 大罵奧斯爾聲援維吾爾人的言論係被一些假新聞蒙蔽了雙眼，而久久無法超越FIFA的足球遊戲《實況足球》居然係呢件事第一個跳出來發聲明批評奧斯爾並馬上將佢從遊戲中剪除 ，聲明表示奧斯爾違背咗愛與和平嘅體育精神並表示「不理解、不接受、不原諒」。Winning中的奧斯爾就咁被殺掉震撼全球足球同遊戲迷，其中一個震驚點係原來Winning仲有人玩？一句話就可以將你剪除，正如耿爽所言，有機會到新疆走一走、看一看只要懷有良知、明辨是非，秉持客觀公正的原則會看到一個不一樣的新疆。

繼遊戲暴雪事件之後，又再一次世人睇到當遊戲界一涉及進軍中國，行為舉動就會變得令人震驚，日本的Konami今次居然第一個跳出來譴責，甚至馬上將曾經做過實況足球代言人嘅奧斯爾從遊戲中除名。 速度之快比阿仙奴官方回應仲要快， 當然阿仙奴嘅回應都係一樣帶曬頭盔割席，不過這就是世界，相信今時今日大家都可以明白理解。

這是繼美國籃球協會NBA休斯頓火箭隊總經理莫雷今年10月在個人推特上支持香港抗議踩上中國政治紅線之後，又一國際體壇人士涉及有政治爭議的中國敏感話題。大家不解嘅只係Konami咁浮誇嘅聲明， 你就當佢係浮誇吧，誇張只因佢很怕。連日本人都嚇到講不出聲，完全對中國Konami愕然，不過實際上「中國實況足球」已經不屬於日本，Konami已經賣左畀中國網易，而中國網易係完全唔到日本Konami管，唔單止網易，中國方面連英超都咁罷睇「一場咁多」，對上曼城對阿仙奴就被中國停止咗直播一場咁多， 不過呢場正正係阿仙奴球迷慶幸無法觀看的關鍵之戰，好多外國球迷都表示中國阿仙奴球迷睇唔到呢場波輸波係幸運嘅。

奧斯爾在中國已肯定「玩完」，連原本中國奧斯爾球迷會都聲明批評「奧斯爾近日在公開網站發表相關言論，作為中國人的我們無法接受」，「國家利益面前，任何個人愛好不足為提」。撇除一切立場同政見，不如講一講遊戲，而家邊度仲有人玩《實況足球》，我以為當下足球遊戲已經是FIFA的天下？？要不是內地Konami衝住出來，真係無人記得有這個遊戲健在。對了各位足球遊戲迷尤其是愛國愛港的，是時候轉玩Konami「實況足球」啦。