《潛行凶間》(Inception)同《蝙蝠俠—夜神起義》Christopher Nolan自編自導又來料了，全新神秘大作《天能》(Tenet)推出預告，乜野葫蘆賣乜野藥睇完都一頭霧水，但可以肯定佢的作品讓人充滿期待。預告中只透露出的天能，感覺係一個強大的能力，電影一直保持機密，基本上無人知到底講咩，似乎又係導演最鍾意玩嘅「時間」元素，逆轉時空？ 感覺接近《潛行凶間》式複雜又交錯的故事。暫時無法對劇情和內容作大多判斷但肯定係下年七月最受期待大傷腦筋的IMAX菲林拍攝觀感與智慧並重電影大作。

Christopher Nolan最鐘意玩時間，無論科幻如《潛行凶間》(Inception)經典的複雜時空，或成名作《凶心人》(Memento)述事時序，甚至連歷史戰爭都玩幾條時間線的《鄧寇克大行動》(Dunkirk)，新作《天能》(Tenet)肯定唔會放過「時間」呢個重要元素，齋睇預告感覺好似可以將時間逆轉，但又好似唔係咁單純嘅直接逆轉，因果好像複雜地轉移，反正Christopher Nolan的戲睇完都要消化再腦筋急轉，未睇又點可能理解得到。其實你知唔知邊個Christopher Nolan？總之佢的戲就係好睇，包括《兇心人》、《死亡魔法》、《蝙蝠俠黑夜之神》、《潛行凶間》、《 蝙蝠俠—夜神起義》 、《星際啟示錄》、《鄧寇克大行動》套套都好好睇，從此我以我爺爺嘅姓氏起誓只要係Christopher Nolan拍我套套都睇。

《天能》(Tenet)係多達七個國家週遊拍攝包括英國、印度和愛沙尼亞等，故事同特工有關，演員包括有年輕的John David Washington、新「蝙蝠俠」Robert Pattinson,有份拍黑寡婦嘅Elizabeth Debicki，《吸血新世紀》(The Twilight Saga)的Robert Pattinson、《勁揪俠》主角Aaron Taylor-Johnson等等..........

導演繼續保持高度神密，先前只有《天能》(Tenet)呢個字公開透露，直至放出預告世人先睇到小小皮毛都未知電影真正的內容。如以預告所言是堅即有兩個特務聲稱要阻止第三次世界大戰發生，而他們似乎有時間逆轉的能力同有一種叫「天能」的東西。除咗呢條預告，就只有電影海報可以探索一下，感覺看起來都係非常似潛行凶間。

另一個已經肯定的係導演今次會繼續使用IMAX菲林拍攝電影，其實之前佢兩部《蝙蝠俠》到《鄧寇克大行動》都已經用左IMAX和70mm菲林拍攝。《天能》也不例外，攝影指導繼續起用Hoyte van Hoytema。所以此作應該要去IMAX影院觀賞，作為神級的導演，佢的每一部新作都會大受觸目，未來有更多同此作相關的新資訊時，會再同大家分享，大家記得預留下年7月，一定要睇呢部都未知講咩的大作。