電影市道差無可差，但無礙中國香港超級大導演王家衛開新戲，據外媒報導，王家衛全新上海話電影《繁花》即將開拍，會係《花樣年華》、《2046》後嘅「上海」第三部曲，據聞7月開始就會係中國橫店影視城租用拍攝場地直到明年3月，不過唔知3月之後又3月三年都唔知拍唔拍得完，到套戲上畫相信全世界都已過完寒冬一起冀望晴天。

其實上年王家衛已經講過，新片會係《花樣年華》、《2046》後上海三部曲的最後一部，故相信會係佢重要的作品集，而且已經完成選角，唔係臨時拉夫話拍就拍，都算係籌備經年，只可惜受疫情影響，但中國咁掂唔影響7月開拍。作為《花樣年華》同《2046》的影迷，要好好保重身體，留住條命睇好戲，有生之年都睇唔到隔代相傳的「上海」三部曲。《繁花》係取材自上海作家金宇澄同名長篇小說，原著的背景設定在 60 至 90 年代的上海，並有兩條主要的故事線交替進行。

當然近年好多朋友開始唔太鐘意王家衛大導演，但批判的同時又好鬼熟佢戲路，相信影迷們睇睇原著小說大可以幫你拍個仿王家衛版本的作品出來，風格絕對承傳於王家衛導演，正所謂我們都是王家衛，我們都愛王家衛風格。