羽毛球場上最引人入勝嘅一對宿敵，相信必定係「左林右李」，亦即係中國隊嘅林丹及馬來西亞前代表李宗偉。不過可惜嘅係，李宗偉因為癌症康復後身體未能回復，最終宣佈退役，遺下林丹一人繼續征戰。

作為羽毛球球迷，必定好想再睇一次「林李」嘅傳說對決，對此李宗偉早前接受媒體訪問時就表示:「等林丹退役，我們黎一場表現賽吧！」

李宗偉表示自己一直都有同林丹聯絡，二人雖然場上係敵人，但場下均屬好友，李宗偉希望未來當林丹退役後可以一齊合作，但現時後者只著眼東京奧運，所以暫時不會騷擾對方。

不過李宗偉卻明言，現時林丹已經36歲，體能上同年輕嘅球手有一段距離，所以佢想再挑戰多一屆奧運實在係非常困難。