相信有打過較早年Winning嘅朋友，一定記得遊戲當中現場的觀眾都像紙板一樣為球隊打氣，想不到有一天這件事竟然成真。

德甲早前正式回歸並閉門作賽，不過賽會因為擔心武漢肺炎疫情仍然有傳播嘅可能，所以禁止球迷入場觀戰。不過為左應對球場空盪盪毫無氣氛可言，德甲球隊慕遜加柏早前於主場面對利華古遜時，竟安排13000個人型紙板安插在球場觀眾席。

球員在比賽場地的時候，望上看台就有如球迷身處現場一樣，雖然紙板們唔識郁，但感覺與空場差距甚大。而慕遜加柏亦相當有心，亦特別為作客嘅利華古遜安排客隊球迷紙板，咁就唔會太唔公平啦。

相信未來可能會有更多球隊模仿慕遜加柏嘅做法，雖然只係一時嘅對策，但都希望可以令球員踢得更加投入。