ASMR成為近年大品牌的奇招，連迪士尼都開始玩。近期Disney+推出一系列ASMRYouTube新短片，畀大家在家輕輕鬆鬆顱內高潮ASMR（Autonmous Sensory Meridian Response），ASMR近年係中國大陸受禁嚴管，因為大量色情女聲ASMR唔止顱內高潮咁簡單，不過迪士尼都玩一定就係合家歡玩意！你今日顱內高潮左未？對唔住，香港仲未有Disney+住！

上個禮拜Disney+推出左一個新系列短片，名為「Zenimation」，一共有10套短片，每部都唔超過十分鐘，全部都係迪士尼耳熟能詳經典大作不過就變成毫無對白完全冇音樂嘅ASMR短片。迪士尼經典角色場景配上現場環境聲ASMR短片，算唔算係高保真音響玩法？

ASMR（Autonomous Sensory Meridian Response，顱內高潮）呢個詞語，可能大家都聽過，但聽得最多係咪女聲ASMR？ 網上好多美女韓國ASMR，通過輕聲細語或者係食嘢搣嘢等小動作聲音放大，通過獨有ASMR錄音左右聲道，讓大家過足耳癮聽到全身酥軟。講返 Disney+，佢地係外國開通服務後全面提早達標，如今付費訂閱人數已破5,000萬人，作為串流影視大台，佢哋擁有累積幾十年嘅迪士尼、彼思動畫製作室、Marvel，星戰、國家地理頻道等大作支撐，共計7,500部電視節目及500部電影等內容。不過疫情底下除咗食老本之外都要搞搞新意思，迪士尼眾多劇集以及電影都因為疫情停擺無法拍攝 ，素來精於炒冷飯嘅迪士尼進而推出「Zenimation」系列短片，為其創造出全新的短片模式。「Zenimation」的預告片中，包括有《魔雪奇緣》、《小飛俠》、《花木蘭》、《獅子王》、《優獸大都會》等經典動畫片段。短片由十部迪士尼經典動畫中嘅片段輯錄而成， 不過聲音方面就改頭換面， 所有經典場面嘅片段中原有嘅對話歌唱全部由環境聲效代替， 大家聽到嘅係風聲雨聲水聲等等聲聲入耳， 又或者係Elsa騎馬聲，總之就係ASMR，為觀眾帶來全新嘅感受。

到底迪士尼嘅ASMR係無聊、 搵嚟搞定係為繁忙嘅都市人帶來輕鬆減壓嘅全新方式呢？「聲音療癒」 似乎成為咗一種全新嘅網絡新型態， 其實迪士尼都唔係呢方面嘅先鋒， 好多大廠商都利用ASMR宣傳，IKEA兩年前就已經識玩撫摸各種家具，產生各式聲音的ASMR影片，肯德基識放炸雞聲同落雨水聲做對比，蘋果都推出過4部ASMR影片宣傳iPhone XS系列電話收音性能。對於好多品牌個人創作又或者影視製作嚟講ASMR 模擬係一條新路徑。 不過點先為之成功呢？通常就係睇流行指標pornhub有無大規模搜尋熱！ASMR你應識玩過我！

IKEA

KFC