仲記得上星期同大家報導過，韓國《LOL》電競隊「T1」因選角而引起中國網民反感嘅「圖奇事件」嗎？今次就係後續報導啦。

原來事發後一日，T1的CEO Joe Marsh (對，外國人黎) 以中文喺微博發文，正面回應「圖奇事件」。官方聲明指，當日Canna選手為了選出「特朗德 (Trundle，韓文為트런들)」一角，所以先輸入了韓文中的輔音「ㅌ」，而由於「圖奇 (Twitch, 韓文為트위치)」同樣為「ㅌ」開頭，所以畫面上就短暫地出現「圖奇」的圖案，最後亦真係鎖定「特朗德」一角。所以簡單啲講，就係一場誤會，而非中國網民所指嘅「別有用心」。

截圖自T1_Official on Weibo

事實上亦有中國網友翻出當日韓國另一直播主「Wolf」(利伸，佢係T1選手出身、目前亦係T1旗下內容創作者)旁述比賽時，一見到T1選出圖奇就話T1應該係想揀特朗德，因為「(特朗德) 就在 (圖奇) 旁邊」，似乎韓國選手對於選出「圖奇」一事本身就冇咁在意。但即使有人解釋再加CEO出面澄清，中國網民都唔見得有幾受落，甚至嘲諷相信T1說法嘅人係「孝子」。值得留意嘅係T1喺IG、Twitter、Facebook上都冇相關聲明，似乎都好知道牆內牆外係兩個世界呀下。

截圖自虎撲