| 【你信唔信？】美國肯德基聲稱11月推出全新「KFConsole」遊戲主機 | |
|
遊戲界近日風起雲湧除左Xbox同PS5新世代爭奪，美國KFC都出來放聲出廣告，聲稱11月份即將推出肯德基首部遊戲主機《KFConsole》，作為一間被炸雞耽誤嘅葡撻店亮相全新遊戲主機廣告睇落又似氣炸鍋多過遊戲機，暫時所知係話具有「4K」與「120 fps」規格，擁有跨平台遊戲性同可以外加2TB儲存空間？難道真係出主機？神祕廣告引發連Xbox都係Twitter回應提問「你部機可唔可以橫放？」11月12號揭祕KFC話假作真時真亦假，無為有處有還無。 
唔係我吹水，炸雞界皇者肯德基先生係6 月 13 號美國公開「KFConsole」，號稱係新遊戲主機，11月正式進軍市場KFC Gaming，仲話未來遊戲係呢度，暫時都相當神祕官方無作進一步說明，大多數人都唔信佢真係出遊戲主機，不過如果真係有遊戲機相信內置遊戲肯定估到係咩野！
「KFConsole」 廣告睇落好似氣炸鍋，寫住「4K」與「120 fps」規格、跨平台遊玩可能性以及可追加「2TB」的儲存空間。肯德基使用「Power Your Hunger」作為今次口號，似乎係抄襲微軟 Xbox One Series X 的宣傳口號「Power Your Dreams」。玩到咁大相信都係玩野或宣傳居多！肯德基係 2018 年建立 Twitter 帳戶「KFC Gaming」，之後有贊助電競遊戲《英雄聯盟》中國戰隊RNG，之後一路有係遊戲界出心出力贊助同發行，包括 2019 年推出戀愛模擬遊戲，又在今年與《傳說對決》推出聯名限定造型。可謂半隻腳已踏足左遊戲界，當然出主機就誇左少少囉！Twitter廣告最有趣的係Xbox的回應「你部野可唔可以橫放？」    |
|
