利物浦在英超3月因武漢肺炎影響下暫停前，在餘下9場比賽下以25分領先第二位嘅曼城，基本上奪冠指日可待。最終在停賽3個月後英超正式重開，而利物浦球迷亦正準備慶祝球隊歷史奪得英超一刻。

在英超重開首戰，排名聯賽第二嘅曼城3:0大勝阿仙奴，成功將與利物浦嘅分差收窄至22分，但當然這無阻利物浦自己條路，因為只要佢地連贏兩場就可以歷史性加冕。而復賽後第一戰，利物浦面對只係中游嘅愛華頓，而佢地停賽前嘅狀態絕對「實食無黐牙」，點知球隊前鋒狀態其差，表現令人失望。

賽前利物浦有沙拿及羅拔臣因傷缺陣，比賽中米拿、馬迪普先後因傷退場，即使高普排出文尼、法明奴及南野拓實這套三叉戟，但球隊全場攻力仍然欠奉，與往日如水銀瀉地嘅進攻大相徑庭，最終只能夠0:0悶和「拖肥」，領先曼城優勢「只有」23分，兼自己仲要打多一場。

曼城如果下場贏波，將可以在餘下8場聯賽嘅情況下追至與利記只有20分差距，所以利物浦即使下一場贏波，球隊都仲未可以提前封王，當然優勢仍然巨大，但暗湧並唔係無的，特別係球隊有前科...