疫情下全球旅遊停濟，想飛可能暫時只能模擬，全新模擬飛行電腦遊戲可以幫到大家，我指可以幫大家學習駕駛飛機的技能，隻Game真實性極高，有全新4K級精細度，全球3萬個機場超過 15 億棟建築就算當佢學習軟件都真係一門技能，作遊戲則相當驚喜。不過電腦除左要夠快夠新機能好，仲要有空間，裝呢隻Game要100GB，一套實體遊戲連十張DVD安裝碟，你有幾耐無試過裝Game要換碟仲要連換十隻！不過當你裝完開始玩你就會知新世代遊戲可以有幾靚幾真實，玩足一年我信你有機會識揸真飛機，8月18號不妨學習《衝上雲霄》！

《Microsoft Flight Simulator》第一代遊戲自1982年就推出，系列已經成為所有飛行愛好者的最愛，相信如果任何人有志成為飛機師，想駕駛飛機，一定玩過呢個遊戲。8月18日推出全新一代，加入了 4K 超高畫質及 HDR 極致體驗，進一步提高畫面沉浸感。微軟今代導入左全新的日夜變化引擎，令玩家可以自由體驗在日頭、夜晚飛行的不同景致同樂趣。而且呢一代作為飛機師作品追加左「起飛前檢查清單確認」功能，玩家可以更真確體驗作為飛機師的實務要點，再加上即時天氣變化、即時地點交通實況、人和動物等電腦NPC盡在腳下，非常真實有趣美觀好玩！

《Microsoft Flight Simulator》將分成 Standard、Deluxe、Premium 三種版本，售價分為USD59.99 / 89.99 / 119.99。我認為有心玩老虎蟹都買Premium，因為Deluxe版追加 5 架飛機與 5 座人工打造機場；Premium版售價雖然最高 但追加 10 架飛機與 10 座人工打造機場。有大食大有得玩就玩多幾架飛機啦！另外據說加入 Xbox Game Pass 訂閱服務可直接玩 Standard版的《Microsoft Flight Simulator》！

相信如果你同女朋友講你打機，佢會覺得你太「廢」、「唔生性」，但如果你同女士們講我閒時就鐘意玩Microsoft Flight Simulator操下飛機挑戰係唔同國家的機場升降，準備遲下過澳洲考返個牌，成件事就好唔同，當然你老婆通常好清楚你的為人！