大家去買啤酒飲，有可能會揀牌子、揀價錢、揀味道，好少聽到有人話因為個罐靚而走去買罐啤酒，但咁只係因為你哋未見過Asahi新出嘅「富士山啤酒」，個罐靚到唔捨得掉呀真係！

圖片：Asahi

富士山啤酒100%採用日本本土原料，包括日本種植嘅大麥、日本種植嘅啤酒花、以及用富士山地下水流灌溉而生嘅白米所釀造，所以用上「富士山」之名。實際上上年春天Asahi都已經推出過富士山啤酒，但今次個罐就換上葛飾北齋嘅「冨嶽三十六景」中最出名嘅「神奈川沖浪裏」為設計，再配上金色富士山毛筆字，充滿氣勢之餘亦盡現日式美學。

新版富士山啤酒只限日本AEON系百貨公司及超級市場有售，賣哂就冇架啦。