桌球世錦賽八強賽上演夢幻對決，由兩位「75三傑」嘅奧蘇利雲及馬克威廉士進行較量，最終「火箭」在落後4:8之下，以13:10逆轉反勝，殺入賽事四強，下回合將面對沙比。

八強面對老對手威廉士，45歲嘅「火箭」表現慢熱，首日賽事早早以2:7落後，看似世錦賽之路會停在呢個位置。不過第二日比賽「火箭」終於找回手感，開始從後趕上，好快就追至8:8平手，其後逆轉以12:10領先。

而去到第23局，雙方鬥得難分難解，去到局尾嘅時候以為「火箭」準備清台完結賽事之際，佢卻打失一個中台藍波，令威廉士獲得機會清台，最後出現桌球較少見嘅平手狀態，而要展開黑柴對決。而經過一輪嘅set波下，威廉士出現致命失誤，「火箭」無錯失呢個機會，最終打入黑柴，了結賽事。

擊敗威廉士殺入世錦賽四強，係「火箭」生涯第12次殺入世錦賽四強，呢個成就令佢追平「桌球皇帝」享特利嘅紀錄。

其實「火箭」在16強面擊敗中國球手丁俊暉之後，曾揚言桌球界缺乏後浪，就算佢斷左隻手同斷，佢都好難跌出世界前50，呢份自信真係好鬼襯「火箭」，而佢亦嘅強大都真係配得上呢啲說話。