Leica早前推出SL2嘅後續機款SL2-S，從外表黎講，兩部機肉眼見唔到有任何分別，但就可能係Leica眾多相機中最重視拍片嘅一部。

圖片：Leica

SL2-S個「S」，係指快門速度 (Speed)。因為用上較SL2低嘅2400萬像素BSI-CMOS，再加上Mastro-III處理器有4GB緩存，所以連拍速度比起SL2要快。實際上嘅功能就係依家影DNG可以去到每秒9張，影JPG更加可以無限連拍——拍到你張卡跟唔上或者冇位為止。另外快門變快對拍片亦有幫助，採用L-LOG 伽馬曲線後可以拍攝4k 10bit 4:2:2 60fps影片，而且拍攝時長同樣只受記憶卡容量所限。未來更加會支援4K 10bit 60fps HEVC格式拍片，張長片分成多個一分鐘檔案，以減少檔案違失風險，亦會透過軟件更新加入內置波形顯示器和自動追焦。售價HK$38,800。