主流傳媒下的美國總統當選人拜登正持續為一但成功執政安排人士任命，荷里活部分高層被傳有望擔當駐外大使。據The Hollywood Reporter爆料，迪士尼總裁羅拔·艾格Bob Iger將會係美國駐華大使頭號人選。艾格係拜登荷里活頭號金主之一，捐獻金額達25萬美元，消息人士指佢有望成為駐英國或駐中國大使，如成功代表艾格係迪士尼任職的25年將畫下完美句號。不過拜登團隊就話傳聞言之徜早，的而且確而家任命分封諸侯都無用，正式攞到實權先講野啦！ 而家都仲風頭火勢，人無事先做到世界冠軍嘛，保重啦拜登！

拜登團隊發言人與迪士尼代表都婉拒回應，不過美國保守派就對艾格有微言，據指佢掌管的迪士尼插足中國，投資主題樂園與電影製作，特別是中國被控在新疆設立針對維吾爾人的再教育營，迪士尼電影《花木蘭》係新疆拍片，仲將中國新疆維吾爾自治區各級黨政機關列入特別鳴謝對象，引發美國的爭議。艾格同中國的關系可謂非常友好2005年9月12日，中共中央政治局常委、中國國家副主席曾慶紅係當時香港行政長官曾蔭權陪同下，與迪士尼公司行政總裁米高·艾斯納及總裁羅拔·艾格一齊係香港主持香港迪士尼樂園的開幕儀式，為舞獅點睛。雙方十分之親密。

艾格月初接受訪問時曾經表示，將會接受拜登政府的職位安排。不過除艾格外，民主黨仲有好多迪士尼金主都被傳有分角逐、包括有夢工廠聯合創辦人Jeffrey Katzenberg，迪士尼電視娛樂部董事長Dana Walden的丈夫、副總統當選人賀錦麗先生任德龍的30年老友Matt Walden，Netflix共同執行長兼內容長Ted Sarandos的妻子、前美國駐巴哈馬大使Nicole A. Avant等等也被傳都係度爭取大使職位。一大班親朋好友分豬肉咁墟冚。等我小時候無知以為駐華大使職位先決係為美國人謀取利益。

最後都係個句，而家美國大選情況複雜百年難得一見，最終成功掌握政權先至可以分侯拜相，否則可能係作鳥獸散，正如拜登團隊所言，時候言之徜早，我都係唔好講咁多，否則比人彈個盒仔提醒我主流媒體下防止不實資訊。