著名高階智能手錶品牌Garmin，往往推出唔少行山、極限運動型嘅智能手錶，並且深受用家鍾意。不過今次佢地決定踩過界，竟然踩入電競世界，推出全新Instinct Esports電競版智能手錶！！

電競世界呢塊餅個個都想爭，但唔係個個都爭到，而作為電子錶嘅巨頭之一，Garmin走入呢個仍處於不斷發掘階段嘅電競行業。電競鬥嘅除左技術，就係專注力及反應，而Garmin今次推出嘅呢款智能手錶，就備有Instinct Esports專屬嘅「電競運動模式」，全天候追蹤你嘅心率變化、身體能量指數和壓力，等你可以判斷自身能量水平，同時提醒你保留精神及體力。

另外，「進階睡眠監測」功能則教你幾時打機、幾時休息，等你長期處於最佳狀態，有足夠精神咁先可以有120%反應，擊敗對手。

唔單止咁，今次呢款電競版Instinct Esports，加可以利用手機App串連，將個人心率、壓力水平、身體能量等如實反應遊戲直播畫面當中，絕對係一眾遊戲主播絕對可以配備嘅工具，觀眾一定會睇得更加投入及增強刺激感。