高達官方Youtube Channel ガンダムチャンネル (Gundam Channel)會喺今日香港時間晚上九點開始進行Live除夕特別節目。 仲請咗阪口大助(《機動戰士V高達》胡索聲優),加隈亜衣(《高達創戰潛行者Re:RISE》Freddie聲優),同埋出名喺高達迷嘅聲優綾見有紀呢三位特別嘉賓一齊過新年。
橫濱呢個1:1比例大型高達相信唔少人都去過當地朝聖,而今晚嘅live都會同背後嘅製作團隊 GUNDAM FACTORY YOKOHAMA 連線傾計,聽講仲會有 1:1 高達嘅特別表演!