《鬼源之刃》貴為2020年最熱動漫,漫畫銷售打破《One Piece》紀錄成最快出一億本單行本作品、劇場版亦打破《千與千尋》成為日本最賣座電影。不過《鬼滅》漫畫已完、動畫新一季未開,呢個時候老大哥《One Piece》就展現勒性。先係最新一期《少年Jump》為其慶祝連載第1000話,《One Piece》亦於一個日本大型票選中力壓《鬼滅》成為日本漫畫史百大漫畫之首!
今日はWJ5・6合併号の発売日!遂に連載1000話!今号はONE PIECEが『連載1000話記念!つながる表紙&ジャンプ史上最大ポスター巻頭カラー!!』超盛り上がりのワノ国編!!みんなはもう読んだ?ハッシュタグ #今週のワンピ と今日は #ONEPIECE1000LOGS をつけて呟いてね!!みんなの感想聞かせてください! pic.twitter.com/fpiDn7XzYo — ONE PIECEスタッフ【公式】 (@Eiichiro_Staff) January 4, 2021
今日はWJ5・6合併号の発売日!遂に連載1000話!今号はONE PIECEが『連載1000話記念!つながる表紙&ジャンプ史上最大ポスター巻頭カラー!!』超盛り上がりのワノ国編!!みんなはもう読んだ?ハッシュタグ #今週のワンピ と今日は #ONEPIECE1000LOGS をつけて呟いてね!!みんなの感想聞かせてください! pic.twitter.com/fpiDn7XzYo
《One Piece》於今日推出嘅《少年Jump》5.6合併號中正式推出第1000話連載,令其成為秋本治老師嘅《烏龍派出所》、森川讓次老師嘅《第一神拳》以及青山剛昌老師嘅《名偵探柯南》後第四部超過1000話嘅日本漫畫,而且雖然2020年銷量輸畀《鬼滅》,但總銷量紀錄依然係全球最高 (「單一作者發行漫畫最高銷售」),皇者地位依然不變!
圖片:颱風大肆虐 on Facebook
另一邊廂,日本朝日電視台早前舉行咗個大型票選,由超過15萬日本網民選出日本漫畫史Top 100作品,《One Piece》亦力壓佔盡天時人和嘅《鬼滅》成為第一,井上雄彥老師嘅《Slam Dunk》第三、《名偵探柯南》第四、鳥山明老師嘅《龍珠》第五。
第6至10名分別為《進擊的巨人》、《火影忍者》、《排球少年》、《鋼之鍊金術師》及《JoJo的奇妙冒險》。特別值得一提嘅係近來人氣急升嘅《咒術迴戰》及《鍊鋸人》分別排19及58,有望與《One Piece》成為《少年Jump》新御三家——如果《鍊鋸人》第二部唔使等好耐嘅話。