| 【別了】PS4多種型號傳停產消息白色Ps4主機成為歷史 | |
 我知道世界步伐向來係老鬼要行開比新世代上位，PS5推出正係Playstation一個時代的改革，不過無諗過呢個改朝換代嚟得咁快，PS5機都未普及得切，PS4就已經傳出有多種型號停產嘅消息，包括所有白色PS4 。未來係留畀新一代玩，樂壇同遊戲機壇都係一樣，玩咁多年唔變又話唔出新機青黃不接，推個新機上神臺又話未夠班又嫌太快！唔好諗咁多喇， 2021年換PS5啦！
隨著 PS5 推出，PS4 逐步邁向歷史，根據日本店面的最新告示，Sony已經停產左幾款 PS4 系列產品，其中包括所有白色的 PS4型號。有網友係日本的電器賣場影低店家公告，店家公告寫明「由於以下商品已經結束生產，以後不會再進貨。」依據這張照片，停產的型號包括以下： PS4 500GB 冰河白 PS4 1TB 極致黑 PS4 1TB 冰河白 PS4 2TB 極致黑 PS4 PRO 1TB 冰河白 換句說話，PS4 家族現時係市面上只剩「PS4 500GB 極致黑」與 「PS4 PRO 1TB 極致黑」兩種仲可以買到。SIE 目前尚未有任何相關回應。不過其實世道如此，預左㗎啦！
 |
|